ఫిడే మహిళల వరల్డ్ ర్యాపిడ్ చెస్ ఛాంపియన్ గా నిలిచిన భారత గ్రాండ్ మాస్టర్, తెలుగు తేజం కోనేరు హంపికి వైసీపీ అధినేత, మాజీ సీఎం వైఎస్ జగన్ మోహన్ రెడ్డి అభినందనలు తెలిపారు.అలాగే, ప్రపంచ ర్యాపిడ్ చెస్ ఛాంపియన్‌షిప్‌లో అద్భుతమైన విజయం సాధించిన కోనేరు హంపీకి మంత్రి అచ్చెన్నాయుడు అభినందించారు. ఆమె విజయం దేశానికే గర్వకారణం అన్నారు. రెండో సారి ప్రపంచ టైటిల్‌ను గెలవడం హంపి ప్రతిభకు నిదర్శనం అని చెప్పుకొచ్చారు. నేటి తరం బాలికలు కోనేరు హంపి కృషి పట్టుదలను ఆదర్శంగా తీసుకొని విజయాలు సాధించాలని ఆకాంక్షించారు మంత్రి అచ్చెన్నాయుడు.
