దువ్వూరు, సెప్టెంబర్ 11:
వైఎస్సార్ కడప జిల్లా దువ్వూరు మండల పరిధిలోని మండల పరిషత్ ప్రాదేశిక నియోజకవర్గాల (MPTC) సాధారణ ఎన్నికలకు సంబంధించి ఫోటో ఓటర్ల జాబితాలను శుక్రవారం ప్రచురించినట్లు మండల ప్రజా పరిషత్ అధికారులు తెలిపారు.
ఆంధ్రప్రదేశ్ పంచాయతీరాజ్ చట్టం–1994లోని సెక్షన్లు 11, 12, 151తో పాటు ఆంధ్రప్రదేశ్ పంచాయతీరాజ్ (ఓటర్ల జాబితా తయారీ, ప్రచురణ) నియమాలు–2000లోని నిబంధన 7(2) ప్రకారం రాష్ట్ర ఎన్నికల కమిషన్ జారీ చేసిన నోటిఫికేషన్ నెం. 515/SEC-B1/2026, తేదీ 07-09-2026ను అనుసరించి ఈ ఓటర్ల జాబితాలను సిద్ధం చేసినట్లు అధికారులు వెల్లడించారు.
దువ్వూరు మండల పరిధిలోని మొత్తం 15 మండల పరిషత్ ప్రాదేశిక నియోజకవర్గాలకు సంబంధించిన ఫోటో ఓటర్ల జాబితాలను సెప్టెంబర్ 11న మండల పరిషత్ కార్యాలయం, దువ్వూరు తహసీల్దార్ కార్యాలయం, మండలంలోని అన్ని గ్రామ పంచాయతీ కార్యాలయాల్లో ప్రజల పరిశీలనార్థం అందుబాటులో ఉంచినట్లు తెలిపారు.
ఓటర్ల జాబితాలో ఏవైనా అభ్యంతరాలు, సవరణలు లేదా పేర్ల చేర్పులు అవసరమైతే సంబంధిత అధికారులను సంప్రదించాలని అధికారులు సూచించారు.
ఈ మేరకు మండల ప్రజా పరిషత్ కార్యాలయం దువ్వూరు తరఫున మండల అభివృద్ధి అధికారి సి.ఎ. జవహార్ బాబు ప్రకటన విడుదల చేశారు.
Save or share this story as a newspaper-style Epaper Clip:
