హైదరాబాద్‌లో గత ఏడాది అక్టోబరులో ఓ మహిళకు తోకతో ఉన్న బాలుడు జన్మించడంతో అందరూ ఆశ్చర్యానికి గురయ్యారు. మూడు నెలలు నిండే సరికి అది 15 సెంటీ మీటర్లు కావడంతో కంగారుపడిన తల్లిదండ్రులు ఈ ఏడాది జనవరిలో బీబీనగర్‌లోని ఎయిమ్స్‌కు తీసుకొచ్చారు. వైద్యులు శస్త్రచికిత్స చేసి దానిని విజయవంతంగా తొలగించారు. తోక నాడీ వ్యవస్థతో ముడిపడి ఉన్నందున శస్త్రచికిత్స అత్యంత క్లిష్టమైందని పేర్కొన్నారు. ఈ బిడ్డ సంపూర్ణ ఆరోగ్యంతో ఉన్నాడని తెలిపారు.
