1,000 మందికి అన్నదానం.. భక్తిశ్రద్ధలతో ప్రత్యేక పూజలు
ప్రొద్దుటూరు, సెప్టెంబర్ 17: కడప జిల్లా ప్రొద్దుటూరు నియోజకవర్గంలోని గోపవరం పంచాయతీ ఆచార్య కాలనీలో విశ్వకర్మ జయంతి వేడుకలు గురువారం అంగరంగ వైభవంగా నిర్వహించారు. శ్రీ విశ్వకర్మ సమైక్య విశ్వబ్రాహ్మణుల సంక్షేమ సంఘం, వీరబ్రహ్మేంద్రస్వామి ఆలయ కమిటీ సంయుక్త ఆధ్వర్యంలో జరిగిన ఈ కార్యక్రమానికి విశ్వబ్రాహ్మణ కార్పొరేషన్ స్టేట్ డైరెక్టర్ వడ్ల శ్రీనివాసాచారి ముఖ్య అతిథిగా హాజరయ్యారు.
విశ్వకర్మ జయంతిని పురస్కరించుకుని వీరబ్రహ్మేంద్రస్వామి ఆలయంలో ప్రత్యేక పూజలు, ఆధ్యాత్మిక కార్యక్రమాలు నిర్వహించారు. అనంతరం సుమారు 1,000 మందికి అన్నదానం ఏర్పాటు చేశారు. భక్తులు, విశ్వబ్రాహ్మణ సంఘాల ప్రతినిధులు, స్థానికులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.
విశ్వబ్రాహ్మణుల అభ్యున్నతికి కృషి చేస్తాం: వడ్ల శ్రీనివాసాచారి
ఈ సందర్భంగా వడ్ల శ్రీనివాసాచారి మాట్లాడుతూ విశ్వకర్మ భగవానుని ఆశీస్సులతో విశ్వబ్రాహ్మణ సమాజం ఐక్యతతో ముందుకు సాగాలని ఆకాంక్షించారు. విశ్వబ్రాహ్మణుల సంక్షేమం, అభ్యున్నతి కోసం ప్రతి ఒక్కరూ ఐక్యంగా కృషి చేయాలని పిలుపునిచ్చారు. సమాజ సంక్షేమం కోసం సంఘాలు సమన్వయంతో పనిచేయాల్సిన అవసరం ఉందన్నారు.
పలువురు ప్రముఖుల హాజరు
ఈ కార్యక్రమంలో మాజీ ఎమ్మెల్సీ బచ్చు పుల్లయ్య, తరుణ్ ద్రాచారి, చల్లా రాజగోపాల్ యాదవ్, కృష్ణ యాదవ్, మార్కెట్ యార్డ్ వైస్ చైర్మన్ పట్టు లక్ష్మణ్, నగర కార్పొరేషన్ డైరెక్టర్ సీతం పల్లె చంద్ర, ఉత్తరాది రమణాచారి, విశ్వబ్రాహ్మణ రిటైర్డ్ ఎస్పీ శంకర్, దారేకుల సంఘం నాయకుడు పగడాల దస్తగిరి తదితరులు పాల్గొన్నారు.
అలాగే బాలయ్య ఆచారి, బీజీపీ ఎల్లారెడ్డి, బీజీపీ నరేంద్ర, ఓబీసీ నాయకుడు వెంకట్, బొల్లవరం సుబ్బిరెడ్డి, నరేష్ ఆచారి, రాజేష్ ఆచారి, కోబాకు శ్రీధర్ ఆచారి, భాస్కర్రావు ఆచారి, సత్యనారాయణ ఆచారి, బీసీ మిత్రులు బొగ్గు రామాంజనేయులు, శ్రీను, చంటయ్య, చిన్న పుల్లయ్య, రాజేష్, వీరబ్రహ్మేంద్ర చారి, నాగరాజు ఆచారి, శ్రీధర్ నరసింహాచారి తదితరులు హాజరయ్యారు.
ఆలయ కమిటీ సభ్యులు, విశ్వబ్రాహ్మణ సంఘం ప్రతినిధులు, స్థానికులు, భక్తుల సహకారంతో విశ్వకర్మ జయంతి వేడుకలు విజయవంతంగా ముగిశాయి.
Save or share this story as a newspaper-style Epaper Clip:
