అమరావతి :ఏపీలో ఉచిత గ్యాస్ సిలిండర్పై కూటమి ప్రభుత్వం కీలక నిర్ణయం తీసుకుంది. దీపం-2 పథకంలో కీలక మార్పు చేసింది. ఇకపై లబ్ధిదారులు గ్యాస్ సిలిండర్ బుక్ చేస్తే చాలు.. రాయితీ డబ్బులు ముందుగా ఖాతాల్లో జమ అవుతాయి. పైలట్ ప్రాజెక్టుగా ఈ విధానాన్ని ఎన్టీఆర్, గుంటూరు జిల్లాల్లోని 6 గ్యాస్ ఏజెన్సీల పరిధిలో ప్రయోగాత్మకంగా అమలు చేస్తున్నారు. ఇది విజయవంతమైతే రాష్ట్రవ్యాప్తంగా అమలు చేయాలని ప్రభుత్వం భావిస్తోంది.
