బద్వేల్‌కు జిల్లా పరిషత్ వైస్ చైర్మన్ పదవి.. హర్షం వ్యక్తం చేసిన మంచూరు సూర్యనారాయణ రెడ్డి

జిల్లా పరిషత్ నూతన చైర్మన్, వైస్ చైర్మన్ ప్రమాణ స్వీకారానికి హాజరు – అభినందనలు తెలిపిన టీడీపీ నేత

WhatsApp Join Now
Telegram Join Now
Youtube Subscribe

కడప: కడప జిల్లా పరిషత్ కార్యాలయంలో నిర్వహించిన జిల్లా పరిషత్ చైర్మన్, వైస్ చైర్మన్ ప్రమాణ స్వీకార కార్యక్రమానికి బద్వేల్ నియోజకవర్గ తెలుగుదేశం పార్టీ ఇన్‌చార్జ్, కడప జిల్లా సహకార కేంద్ర బ్యాంకు (DCCB) చైర్మన్ మంచూరు సూర్యనారాయణ రెడ్డి హాజరయ్యారు.

ఈ కార్యక్రమంలో జిల్లా పరిషత్ చైర్మన్‌గా పుత్త నరసింహారెడ్డి, వైస్ చైర్మన్‌గా పోరుమామిళ్ల మండల జెడ్పీటీసీ సభ్యురాలు హబీబున్నీసా ప్రమాణ స్వీకారం చేశారు.

బద్వేల్ నియోజకవర్గానికి జిల్లా పరిషత్ వైస్ చైర్మన్ పదవి దక్కడం పట్ల మంచూరు సూర్యనారాయణ రెడ్డి హర్షం వ్యక్తం చేశారు. నియోజకవర్గంలోని ఏడు జెడ్పీటీసీ స్థానాలనూ కూటమి అభ్యర్థులు గెలుచుకోవడం ప్రజలు కూటమిపై ఉంచిన విశ్వాసానికి నిదర్శనమని పేర్కొన్నారు.

జిల్లా పరిషత్ పరిధిలోని అన్ని ప్రాంతాల అభివృద్ధికి నూతన చైర్మన్, వైస్ చైర్మన్ ప్రత్యేక శ్రద్ధ చూపాలని ఆయన ఆకాంక్షించారు. ముఖ్యమంత్రి నారా చంద్రబాబు నాయుడు నేతృత్వంలోని కూటమి ప్రభుత్వం అమలు చేస్తున్న సంక్షేమ పథకాలు అర్హులైన ప్రతి ఒక్కరికీ అందేలా చర్యలు తీసుకోవాలని సూచించారు. గ్రామీణ ప్రాంతాల్లో మౌలిక సదుపాయాల కల్పన, అభివృద్ధి పనులకు ప్రాధాన్యత ఇవ్వాలని కోరారు.

ప్రజల అవసరాలను గుర్తించి, ప్రజాప్రతినిధులు, అధికారుల సమన్వయంతో పారదర్శకమైన పాలన అందించాలని అన్నారు. నూతనంగా బాధ్యతలు చేపట్టిన చైర్మన్, వైస్ చైర్మన్ ప్రజల నమ్మకాన్ని నిలబెట్టుకుంటూ జిల్లా అభివృద్ధికి కృషి చేయాలని ఆకాంక్షించారు.

ఈ సందర్భంగా జిల్లా పరిషత్ నూతన చైర్మన్ పుత్త నరసింహారెడ్డి, వైస్ చైర్మన్ హబీబున్నీసాలకు మంచూరు సూర్యనారాయణ రెడ్డి హృదయపూర్వక శుభాకాంక్షలు తెలియజేశారు.

కార్యక్రమంలో జిల్లా స్థాయి కూటమి నాయకులు, ప్రజాప్రతినిధులు, అధికారులు తదితరులు పాల్గొన్నారు.

Save or share this story as a newspaper-style Epaper Clip:

Leave a Reply

Your email address will not be published. Required fields are marked *