తెలంగాణ స్కిల్ యూనివర్సిటీ’ బిల్లును ఈనెల 23 నుంచి జరగబోయే అసెంబ్లీ సమావేశాల్లో ప్రవేశపెట్టాలని ప్రభుత్వం నిర్ణయించింది. హైదరాబాద్ లో ఏర్పాటు చేసే ఈ వర్సిటీలో డిగ్రీ, డిప్లొమాతో పాటు సర్టిఫికెట్ కోర్సులను ప్రవేశపెట్టనున్నారు. తొలుత 2 వేల మందితో ప్రారంభించి క్రమంగా ఏడాదికి 20 వేల మందికి అడ్మిషన్లు కల్పిస్తారు. కోర్సులు పూర్తి చేసిన వారికి ఉద్యోగాలు కల్పించేలా ప్రణాళికలు ఉండాలని అధికారులను సీఎం రేవంత్ ఆదేశించారు.
