విశాఖపట్నం జీవీఎంసీ కార్యాలయం ఎదురుగా ఉన్న రామ్‌రాజ్‌ షోరూం వద్ద ఓ గుర్తు తెలియని వ్యక్తి అచేతనంగా పడి ఉన్నట్టు పోలీసులకు సమాచారం అందింది. గీతం కళాశాలలో చదువుతున్న గౌతం అనే విద్యార్థి ఈ మేరకు 112టోల్‌ ఫ్రీ నంబర్‌కు తెలియజేశాడు. దీంతో టూటౌన్‌ సీఐ వీవీసీఎం ఎర్రంనాయుడు ఆదేశాలతో హెడ్‌కానిస్టేబుల్‌ కన్నారావు పెదవాల్తేరులోని జీవీఎంసీ ఆధ్వర్యంలో నడుస్తున్న రెడ్‌ క్రాస్‌ హోంలెస్‌ షెల్టర్‌ మేనేజర్‌ మురళీకి ఈ విషయాన్ని తెలియజేశారు. సిబ్బంది అక్కడకు చేరుకుని పోలీసుల సాయంతో అప్పటికే మృతి చెందిన ఆ గుర్తు తెలియని మృతదేహాన్ని జ్ఞానాపురం శ్మశాన వాటికకు తరలించారు. అనంతరం అంత్యక్రియలు జరిపించారు.
