న్యూఢిల్లీ: దేశ రాజకీయాల్లో విశిష్ట స్థానం సంపాదించిన ప్రధాని నరేంద్ర మోదీ జీవితగాథ వెండితెరపైకి రాబోతోంది. “మా వందే” అనే పేరుతో ఆయన బయోపిక్ తెరకెక్కనుంది. ఈ చిత్రంలో మోదీ పాత్రను యువ నటుడు ఉన్నిముకుందన్ పోషించనున్నట్లు చిత్రబృందం అధికారికంగా ప్రకటించింది.
ఈ ప్రతిష్టాత్మక చిత్రాన్ని వీర్ రెడ్డి నిర్మించగా, క్రాంతికుమార్ దర్శకత్వం వహించనున్నారు. మోదీ బాల్యం నుంచి రాజకీయ నాయకుడిగా ఎదిగిన ప్రయాణం, ఆయన ఎదుర్కొన్న సవాళ్లు, సాధించిన విజయాలు సినిమాలో ప్రధానాంశాలుగా ఉండనున్నాయి.
పలు భారతీయ భాషల్లో ఒకేసారి విడుదల కానున్న ఈ బయోపిక్ ప్రస్తుతం ప్రీ–ప్రొడక్షన్ దశలో ఉంది. త్వరలోనే నటీనటుల జాబితా, షూటింగ్ వివరాలను ప్రకటించనున్నట్లు నిర్మాతలు తెలిపారు.
సినీ వర్గాల అంచనాల ప్రకారం “మా వందే” బయోపిక్ దేశవ్యాప్తంగా భారీ చర్చనీయాంశంగా మారే అవకాశం ఉంది.
