రోహిణి కార్తె అనగానే అందరికి భయమే. తెలుగు పంచాంగం ప్రకారం రోహిణి కార్తె ఎప్పుడు.. ఎప్పుడు మొదలవుతుందా అని టెన్షన్ పడుతుంటారు. ఈ టైంలో ఉండే ఎండలు మాములుగా ఉండావు. ఠారెత్తించేలా భగభగమంటాడు సూర్యుడు. వేసవిలో ఉండే భగభగ వేడి గాల్పులు ఒక ఎత్తు..ఒక్క ఈ రోహిణి కార్తెలో ఉండే ఎండలు ఒక ఎత్తు. రోహిణీ కార్తెలో ఎండలకి రాళ్లు కూడా పగిలిపోతాయి అనే పెద్దల నానుడి కూడా లేకపోలేదు.అయితే ఈ ఏడాది రోహిణి కార్తె మే 25 ఆదివారం నుంచి జూన్ 8, 2025న ముగుస్తోంది. అంటే దాదాపు 15 రోజుల వరకు ఉంటుందని పంచాంగం చెబుతోంది. ఇప్పుడున్న వాతావరణ పరిస్థితుల బట్టి ఈ ఏడాది రోహిణీ కార్తె ప్రభావం అంతగా ఉండదని అందరి అభిప్రాయం మరి రానున్న రోజుల్లో ఏమవుతుందో వేచి చూడాలి.
