హైదరాబాద్ :
ప్రముఖ హీరోయిన్ హయతీకి పెద్ద షాక్ తగిలింది. ఫిల్మ్ నగర్ పోలీస్స్టేషన్లో ఆమెపై కేసు నమోదైంది. ఈ కేసులో ఆమె భర్తను కూడా నిందితుడిగా పేర్కొన్నారు.
వివరాల్లోకి వెళ్తే… ఒడిశాకు చెందిన ఓ పనిమనిషి ఫిర్యాదు మేరకు పోలీసులు కేసు నమోదు చేశారు. తాను హయతీ ఇంట్లో పని చేసేదాన్నని, కానీ తనకు కూలి ఇవ్వలేదని ఆ మహిళ ఫిర్యాదులో పేర్కొంది. అంతేకాదు, తన నగ్న వీడియోలు తీయడానికి ప్రయత్నించారని, అలాగే హయతీతో పాటు ఆమె భర్త కూడా చిత్రహింసలకు పాల్పడ్డారని ఆరోపించింది.
ఫిర్యాదు స్వీకరించిన పోలీసులు ప్రస్తుతం విచారణ జరుపుతున్నారు. ఈ ఘటన ఫిల్మ్ నగర్ ప్రాంతంలో సంచలనం రేపింది.
