తిరుపతి: తిరుమల శ్రీవారికి మైసూరు మహారాజు జయచామరా రాజేంద్ర వడియార్ 1945లో సమర్పించిన ఆభరణం గురించి వివాదానికి తెరపడింది. అది పింక్ డైమండ్ కాదని, కేవలం రత్నాలతో అలంకరించిన హారం మాత్రమేనని ఆర్కియాలజికల్ సర్వే ఆఫ్ ఇండియా (ASI) తేల్చిచెప్పింది.
2018లో ఆలయ ప్రధాన అర్చకుడు రమణ దీక్షితులు “శ్రీవారి పింక్ డైమండ్ మాయమైందని” ఆరోపణలు చేసిన నేపథ్యంలో ఈ విషయంపై విస్తృతంగా అధ్యయనం చేపట్టింది. తన పరిశోధనలో ASI సమగ్ర సమాచారం సేకరించి, మహారాజు సమర్పించింది పింక్ డైమండ్ కాదు, రూబీలు, ఇతర విలువైన రత్నాలు కలిగిన హారం మాత్రమేనని తేల్చింది.
ఈ నివేదికతో ఆలయంలో పింక్ డైమండ్ ఉందనే ప్రచారం, అది మాయమైందనే ఆరోపణలకు పూర్తి విరామం లభించినట్లైంది.
👉 ASI స్పష్టీకరణతో 1945లో సమర్పించిన ఆభరణంపై అనుమానాలకు ముగింపు లభించింది.
