అమెరికాలో దీపావళి పండుగకు మరింత గుర్తింపు లభించింది. ఇప్పటికే పెనిసిల్వేనియా, కనెక్టికట్ రాష్ట్రాలు దీపావళిని అధికారిక సెలవు దినంగా ప్రకటించగా, తాజాగా కాలిఫోర్నియా రాష్ట్రం కూడా ఆ జాబితాలో చేరింది.
కాలిఫోర్నియా గవర్నర్ గావిన్ న్యూసమ్ ఇటీవల అసెంబ్లీలో ఆమోదం పొందిన బిల్లుపై సంతకం చేశారు. దీంతో ఈ ఏడాది నుంచి కాలిఫోర్నియాలో దీపావళి రోజున అధికారికంగా సెలవు అమల్లోకి రానుంది.
అదే సమయంలో న్యూయార్క్ నగరంలోని పబ్లిక్ పాఠశాలలకు కూడా దీపావళి రోజు సెలవు ప్రకటించారు. హిందూ సమాజం ప్రధానంగా నివసించే అమెరికా రాష్ట్రాల్లో ఈ నిర్ణయాలు సాంస్కృతిక వైవిధ్యానికి చిహ్నంగా అభివర్ణించబడ్డాయి.
