Indian Navigation Map: గూగుల్ మ్యాప్.. దీనిని నమ్మ ప్రజలు గుడ్డిగా తెలియని ప్రాంతాలకు వెళతారు. అయితే, ఈ మధ్య కాలంలో గూగుల్ మ్యాప్ తప్పుడు మార్గం చూపిస్తూ ప్రజలను తీవ్ర ఇబ్బందులకు గురిచేస్తుంది..దీంతో ఈ యాప్ పై ప్రయాణికులు నమ్మకం కోల్పోయి వేరే నావిగేషన్ యాప్ కోసం వెతుకుతున్నారు. అయితే, దానికి బదులుగా భారతీయ నావిగేషన్ యాప్ని ఉపయోగించడం మంచిదని తెలుస్తోంది. అసలు ఈ ఇండియన్ నావిగేషన్ యాప్ లో ఎలాంటి ఫీచర్స్ ఉన్నాయి? అనే విషయాలను ఈ కథనంలో తెలుసుకుందాం..భారతదేశంలోని ప్రముఖ నావిగేషన్ యాప్ ‘Mappls Mapmyindia’, Maples MapIndia యాప్ మీకు మెరుగైన నావిగేషన్ సేవలను అందిస్తుంది. మీకు కావాలంటే గూగుల్ మ్యాప్స్కు బదులుగా ఈ యాప్ని ప్రయోగించవచ్చు.Mappls Mapmyindia ఈ యాప్లో దేశంలోని రోడ్లు, ట్రాఫిక్, కొత్త హైవేలు, ఎక్స్ప్రెస్వేలు కాకుండా, స్థానిక రోడ్లు, వీధుల అభివృద్ధి తదితర వాటిపై కూడా అప్డేట్ ఇస్తుంది. ఈ విషయాలన్నింటినీ దృష్టిలో ఉంచుకుని ఈ యాప్ తన డేటాబేస్ను అప్డేట్ చేస్తూ ఉంటుంది. అంతేకాకుండా టోల్ ప్లాజాలు, పెట్రోల్ పంపులు, ఏటీఎంలు ఉండే ప్లేస్ లను కూడా ఈ యాప్ చూపిస్తుంది.అనేక భారతీయ భాషల్లో..ఈ యాప్ కేవలం ఒక్క భాషల్లోనే కాదు అనేక భారతీయ భాషలలో పనిచేస్తుంది. ఇలా ఉండడం వల్ల దేశంలోని వివిధ రాష్ట్రాలు, ప్రాంతాలలో నివసించే ప్రజలకు ఈ యాప్ ను ఉపయోగించడం చాలా సులభం చేస్తుంది.ఆఫ్లైన్ మ్యాప్..ఈ యాప్లో మీరు ఎక్కడికి వెళ్లాలని అనుకుంటున్నారో ఆ మ్యాప్ ను డౌన్లోడ్ చేసుకునే అవకాశం ఉంది. తద్వారా ఇంటర్నెట్ కనెక్షన్ లేకున్నప్పటికీ మీరు సులభంగా నావిగేట్ చేయవచ్చు.నావిక్ఈ యాప్ కేవలం ప్రధాన రహదారి గురించి మాత్రమే కాకుండా చిన్న వీధులు, సందుల గురించి కూడా పూర్తి సమాచారాన్ని అందిస్తుంది. ఈ నావిగేషన్ యాప్ ఇస్రో ప్రాంతీయ నావిగేషన్ శాటిలైట్ సిస్టమ్ ‘నేవిగేషన్ విత్ ఇండియన్ కాన్స్టెలేషన్’ (నావిక్) ద్వారా పనిచేస్తుంది.
