కర్ణాటక హైకోర్టు ఒక అత్యంత ప్రాధాన్యమైన తీర్పు ఇచ్చింది. డేటింగ్ యాప్ ద్వారా పరిచయమైన యువకుడు తనను ఓయో రూమ్కు తీసుకెళ్లి అత్యాచారం చేశాడని ఒక మహిళ ఫిర్యాదు చేయగా, విచారణలో న్యాయస్థానం “ఇద్దరి మధ్య పరస్పర అంగీకారం ఉన్నప్పుడు అది అత్యాచారంగా పరిగణించరాదు” అని స్పష్టం చేసింది.
తీర్పులో న్యాయమూర్తి పేర్కొన్న ముఖ్యాంశాలు ఇవి:
మహిళ స్వచ్ఛందంగా నిందితుడితో కలిసి వెళ్లింది, బలవంతం లేదా మోసం జరిగిందని సాక్ష్యం లేదు.
పరస్పర అంగీకారంతో జరిగిన లైంగిక సంబంధం చట్టపరంగా “అత్యాచారం”గా పరిగణించబడదు.
వ్యక్తిగత సంబంధాల్లో అపార్థం, విభేదాలు లేదా తరువాత పశ్చాత్తాపం కలిగినా, అది నేరంగా మార్చలేము.
అందువల్ల, నిందితుడిపై నమోదైన FIRను రద్దు చేయాలని హైకోర్టు ఆదేశించింది.ఈ తీర్పు దేశవ్యాప్తంగా చర్చకు దారితీసింది.
చట్ట నిపుణులు చెబుతున్నట్టు, “సమ్మతితో ఉన్న లైంగిక సంబంధం” (consensual act) మరియు “లైంగిక దాడి” (sexual assault) మధ్య ఉన్న గీతను ఈ తీర్పు మరింత స్పష్టంగా చేసింది.
