| కొత్తగూడెం, తెలంగాణ
కొత్తగూడెం పట్టణంలో చోటుచేసుకున్న హృదయ విదారక ఘటన స్థానికులను కలచివేసింది. పైప్ లైన్ పనులు జరుగుతున్న సమయంలో జేసీబీ డ్రైవర్ నిర్లక్ష్యంగా వ్యవహరించి, అక్కడే పని చేస్తున్న కూలీపై మట్టి పోశాడు.
వివరాల్లోకి వెళ్తే — ఓ స్కూల్ ఎదురుగా పైప్లైన్ తవ్వకాలు జరుగుతుండగా, జేసీబీ డ్రైవర్ అప్రమత్తంగా వ్యవహరించకపోవడంతో వలస కూలీ సంతోష్ పై నేరుగా మట్టి పడిపోయింది. తీవ్రంగా అరిచినా వినిపించుకోకపోవడంతో, అతను గంటకు పైగా మట్టిలో ఇరుక్కుపోయి నరకయాతన అనుభవించాడు.
సహచర కూలీలు, స్థానికులు గమనించి వెంటనే పోలీసులకు సమాచారం ఇచ్చారు. సమాచారం అందుకున్న పోలీసులు ఘటనా స్థలానికి చేరుకుని సంతోష్ను బయటకు తీశారు. అదృష్టవశాత్తు ప్రాణాపాయం తప్పింది.
ఇక ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. డ్రైవర్ నిర్లక్ష్యంపై ప్రజలు తీవ్ర ఆగ్రహం వ్యక్తం చేస్తున్నారు. meanwhile, పోలీసులు జేసీబీ డ్రైవర్పై కేసు నమోదు చేసి దర్యాప్తు ప్రారంభించారు.
