మైదుకూరు ఎమ్మెల్యే పుట్టా సుధాకర్ యాదవ్ రూ.1.07 కోట్లు సైబర్ నేరగాళ్లకు బదిలీ చేసిన ఘటనపై రాష్ట్ర రాజకీయ వాతావరణం వేడెక్కింది.
ఒక ఫోన్ కాల్ ఆధారంగా ఇంత పెద్ద మొత్తం పంపించడంపై ప్రజల్లో అనుమానాలు మొదలయ్యాయి.తప్పు లేకుండానే పుట్టా సుధాకర్ భయపడ్డాడా?
సైబర్ మోసం కేసుపై రాజకీయ వర్గాల్లో చర్చలు
మైదుకూరు/హైదరాబాద్, అక్టోబర్ 21 (ప్రత్యేక ప్రతినిధి):మైదుకూరు ఎమ్మెల్యే పుట్టా సుధాకర్ యాదవ్ ఇటీవల సైబర్ నేరగాళ్ల మోసానికి గురై రూ.1.07 కోట్లు కోల్పోయినట్లు పోలీసులకు ఫిర్యాదు చేసిన విషయం తెలిసిందే. ఈ ఘటనపై ప్రజల్లోనూ, రాజకీయ వర్గాల్లోనూ పలు చర్చలు సాగుతున్నాయి.ఎమ్మెల్యే స్థాయి వ్యక్తి ఇంత పెద్ద మొత్తాన్ని ఫోన్ కాల్ ఆధారంగా బదిలీ చేయడం ఆశ్చర్యానికి గురి చేస్తోందని పలువురు పేర్కొంటున్నారు.“తప్పు చేయకపోయినా ఇంత భయపడ్డారా?” అనే ప్రశ్న కూడా చర్చల్లో వినిపిస్తోంది. అయితే, ఈ అనుమానాలు కేవలం ప్రజల్లో, పార్టీ వర్గాల్లో వినిపిస్తున్న అభిప్రాయాలే తప్ప, వాటికి అధికారిక నిర్ధారణ ఏదీ లేదు.సైబర్ క్రైమ్ పోలీసులు ఇప్పటికే కేసు దర్యాప్తు ప్రారంభించారు. వాస్తవాలు వెలుగులోకి రావడానికి కొంత సమయం పట్టే అవకాశం ఉందని అధికార వర్గాలు పేర్కొంటున్నాయి.
