నల్లగొండ/చిట్యాల,:నల్లగొండ జిల్లా చిట్యాల మండలం పిట్టంపల్లి సమీపంలోని జాతీయ రహదారి-65పై బుధవారం తెల్లవారుజామున ఓ ప్రైవేట్ ట్రావెల్స్ బస్సుకు అకస్మాత్తుగా మంటలు అంటుకోవడంతో తీవ్ర కలకలం రేగింది. బస్సులో ప్రయాణిస్తున్న 43 మంది ఆపదలో నుండి తప్పించుకుని ప్రాణాలతో బయటపడటం విశేషం.తెలుసుకుంటే—హైదరాబాద్ నుంచి విజయవాడకు బయలుదేరిన విహారి ట్రావెల్స్ బస్సు (నాగాలాండ్ రిజిస్ట్రేషన్) చిట్యాల హద్దుల్లోకి రాగానే ఇంజిన్ భాగం నుంచి పొగ రావడం గమనించిన ప్రయాణికులు డ్రైవర్ దృష్టికి తీసుకెళ్లారు. వెంటనే డ్రైవర్ బస్సును రోడ్డుపక్కకు ఆపగా, కాసేపటిలోనే మంటలు జ్వాలల రూపంలో విరుచుకుపడ్డాయి.అప్పటికే అప్రమత్తమైన ప్రయాణికులంతా బస్సు నుంచి కిందకు దూకి పరుగులు తీశారు. కొద్ది నిమిషాల్లోనే బస్సు మొత్తాన్ని మంటలు మింగేయడంతో బస్సు పూర్తిగా దగ్ధమైంది. అయితే ఎవరికి గాయాలు కాని విషయం ఊరటనిచ్చింది.స్థానికుల సమాచారం మేరకు అగ్నిమాపక దళం చేరుకుని మంటలను అదుపు చేసినా అప్పటికే బస్సు పూర్తిగా కాలిపోయింది.ఇక ఈ బస్సుకు ఫిట్నెస్ సర్టిఫికేట్ లేదని, రూట్ అనుమతులు కూడా సదరు ట్రావెల్స్ ప్రశ్నార్థకంగా నిర్వహిస్తుందనే ఆరోపణలు వినిపిస్తున్నాయి. ఈ ఘటనపై చిట్యాల పోలీసులు కేసు నమోదు చేసి దర్యాప్తు చేపట్టారు.ప్రాణాలతో బయటపడ్డ ప్రయాణికులు తీవ్ర షాక్కు లోనయ్యారు.“మేము ఎప్పుడు ఏం జరిగిందో తెలియకుండా ఒక్కసారిగా పొగ వచ్చిందని ఎగిరి పడిపోయాం… క్షణం ఆలస్యమైతే ఏమయ్యేదో తెలియదు” అని ప్రయాణికులు చెప్పారు.
